Çfarë jastëku ju nevoitet për një gjumë më të rehatshëm?

Nëse ju flini në krah, këshillohet të përdorni një jastëk mjaft të fortë për ti dhënë kokës dhe qafës mbështetjen e duhur. Nëse ju flini në shpinë, provoni një jastëk mesatarisht të fortë, që koka të mbështetet mirë në të dhe të merrni komoditetin e duhur. Dhe nëse ju flini me bark (edhe pse disa mjekë nuk e rekomandojnë këtë pozicion), zgjidhni një jastëk të butë dhe të ulët për të pakësuar harkun në qafën tuaj. Blerja e jastëkut të duhur është një pjesë thelbësore e një gjumi të mirë.   

Afati për sa kohë një jastëk mund të përdoret shpesh varet nga cilësia e jastëkut. Në përgjithësi, jastëkët duhet të zëvendësohet çdo 2 vite, por disa jastekë mund të prishen më shpejt se të tjerët. Një jastëk i vjetëruar shkakton shumë probleme që ndoshta nuk i keni menduar më parë:

Mbushja e jastëkut tashmë të vjetëruar nuk ofron më mbështetjen e nevojshme për qafën dhe muskujt e saj dhe ju mund të zgjoheni të lodhur dhe me dhimbje qafe në mëngjes;

Një mbushje e vjetëruar mund të mbajë shumë bakterie, që shkaktojë alergji dhe probleme me frymëmarrjen, duke kriijuar një ambjent të pashëndetshëm për të fjetur;

Mesatarisht, jastëku përdoret 8 orë gjatë një dite dhe ai mbushet me lekurën e vdekur që ne humbasim si dhe djersën tonë. Nga ky proçes ne nxjerrim 200-300 mililitra cdo natë.

Kjo është arsyeja pse ekspertët rekomandojnë ndërrimin e jastëkut çdo 2 vjet.

Një test i thjeshtë për të përcaktuar nëse jasteku juaj ka nevojë të zëvendësohet është:

Shtrëngojeni fort jastëkun tuaj, më pas lëreni atë dhe shihni, nëse ai kthehet përsëri në formën origjinale dhe plotësinë e tij. Nëse jo, atëherë është koha e duhur për ta ndërruar me një të ri.  
Përveç kësaj, jastëkët mund të tregojnë shenja të ndryshme me kalimin e kohës. Nëse vëni re shenjat e mëposhtme, ju duhet të konsideroni zëvendësimin e jastëkut tuaj.  

•     Nuk ndiheni komod ashtut si kur e keni blerë atë
•     Tregon shenja të dukshme të papastërtisë
•     Ndihet me gunga dhe materiali është shpërbërë